Studsemajnfino en De Iep en Ipro de vendredo 21/2/2025 vespere ĝis dimanĉo 23/2/2025 posttagmeze.
Ni celas:
– Absolutajn komencantojn
– Progresintojn (kiuj sekvis bazan kurson)
– Plenlernintojn (kiuj interesiĝas pri gramatikaj finornamaĵoj, vorttrezoro, beletro)
Ni invitas ĉiujn kiuj volas lerni aŭ perfektigi sian Esperanton.
- Ejo: De Iep en Ieper.
- Kotizo: 130,- € (membroj de belgaj EO-asocioj* kaj eksterlandanoj) kaj 140,- € (aliaj). (*) FEL (Flandra Esperantoligo, V-esp.o (Valona Esperantoasocio), EBG (Esperantogrupo Brusela)
- Aliĝi: bv. uzi ĉi tiun aliĝilon
- Pliaj informoj en Eventa Servo: https://eventaservo.org/e/BEST2025
Instruistoj
Jenaj spertaj instruistoj atendos vin:
– Alex Humet por la komencintoj
– Pawel Fischer-Kotowski por la progresintoj
– Lode Van De Velde por tiu kiu volas enprofundiĝi en la lingvon
Alex, naskiĝis en Katalunio, jam de jaroj loĝas en Belgio kaj fluparolas la nederlandan. Li iam estis unu el la instruistoj en la ununura oficiala Esperantokurso en Belgio. Alex helpos al la komencintoj meti siajn unuajn paŝojn en Esperanto.
Pawel, Pollando-devena sed nun loĝanta en Nederlando. Li estas ĉefredaktoro de Fenikso, la revuo de Esperanto Nederland. Ĉi tiu kurso celas tiujn kiuj jam iel elturniĝas en Esperanto, sed volas pliriĉigi sian konon kaj ekzerci sian parolkapablon.
Lode esperantistiĝis en 1993, sekvis Cseh-trejnadon kaj instruis dum 2 jaroj en Japanio per rekta metodo kaj dum diversaj eventoj je diversaj niveloj. Li verkis, tradukis kaj eldonis multajn librojn.
En sia kurso Lode helpos la kursanojn perfektigi sian lingvouzon en tri ŝtupoj: 1/ trovi, korekti kaj kompreni erarojn en tekstetoj; 2/ traduki poezion kaj 3/ mem verki, pere de instigiloj, poezion kaj/aŭ mallongajn rakontojn. Ne necesas sperto pri verkado. La kurso estas ideala por instruistoj, tradukemuloj, verkemuloj, redaktoroj kaj ĉiu ajn kiu volas perfektigi sian lingvokonon kaj -uzon.
Listo de aliĝintoj
| Piet Glorieux | Belgio |
| An Olijslaghers | Belgio |
| Catherine Boen | Francio |
| Jérémie Sercy | Francio |
| Marylin Droog | Belgio |
| Anne Brabant | Belgio |
| Kristin Tytgat | Belgio |
| Griet Symoens | Belgio |
| Nathalya Chumak | Belgio |
| Liliane Keetelers | Belgio |
| Clara Bracke | Belgio |
| Els Vanreybrouck | Belgio |
| Thérèse Dequidt | Francio |
| Eric Némes | Belgio |
| Antoon De Meester | Belgio |
| Yves Nevelsteen | Belgio |
| Jenny Cornelis | Belgio |
| Eliane Pironnet | Belgio |
| Alex Humet | Belgio |
| Lode Van De Velde | Belgio |
| Pawel Fisher-Kotowski | Nederlando |